FLOSS

Contacto

A Oficina de Coordinación FLOSS constitúese coma o punto de referencia para todos os axentes involucrados no desenvolvemento do software libre en Galicia, fomentando o avance homoxéneo das distintas actuacións neste eido levadas a cabo dende distintos ámbitos.

A oficina de coordinación FLOSS foi creada no ano 2010 baixo a dirección da antiga Secretaría Xeral de Modernización e Innovación Tecnolóxica e a recente Axencia para a Modernización Tecnolóxica de Galicia. A Oficina de Coordinación FLOSS é unha ferramenta de gran axilidade e eficacia para coordinar as diferentes accións promovidas pola Xunta de Galicia relativas ao fomento e promoción do FLOSS, así como para apoiar á propia Xunta de Galicia na definición de accións en materia de FLOSS a medio e longo prazo.

Os obxectivos da Oficina de Coordinación FLOSS son:

• Colaborar no deseño das liñas de actuación encamiñadas cara á promoción do FLOSS dende a Administración pública galega.
• Coordinar as accións desenvolvidas polos diversos axentes que compoñen o ecosistema do FLOSS en Galicia, como Universidades, Asociacións de empresas, Asociacións de Usuarios.
• Facer seguimento das accións promovidas pola Xunta, avaliando a consecución dos obxectivos previstos.
• Impulsar dende a administración a penetración do FLOSS no tecido empresarial galego; en particular nas pemes, ben como empresa usuaria de FLOSS ben como empresa do sector TIC.

Os datos de contacto da Oficina de Coordinación FLOSS son: ocfloss@xunta.es, teléfonos: 981957000 e 981957007

Pode ver con maior detalle as Funcións e o Catálogo de Servizos da Oficina na seguinte presentación

http://imit.xunta.es/descargas/MapaServizosOCFLOSS.pdf

Portal mancomún

A Xunta de Galicia da man da Oficina de Coordinación FLOSS pon a disposición de toda a comunidade galega o portal Mancomún como portal de referencia e aglutinador de todas as iniciativas FLOSS que se están a desenvolver en Galicia dende os diferentes ámbitos; institucional, empresarial, educativo, voluntariado, etc. con dous obxectivos principais:

1. Servir como canle de comunicación pública na que informar das distintas iniciativas FLOSS, non só da Administración Autonómica, senón tamén do resto de axentes promotores do software libre en Galicia.
2. Proporcionar un conxunto integrado de servizos dirixidos a promover a difusión, formación, desenvolvemento ... do software libre e de fontes abertas en Galicia, destacando ademais do portal web, A Forxa e o Repositorio Documental FLOSS.