FLOSS

Avance: Plan de acción FLOSS 2012

Dende que o ano 2010 a Xunta de Galicia puxera en marcha por primeira vez en Galicia o plan específico orientado ao fomento do Software Libre na nosa Comunidade, coñecido como o Plan de Acción 2010 en materia de software libre e de fontes abertas, téñense conseguido grandes avances na adopción e uso do software libre nos diversos ámbitos da nosa sociedade. A continuidade dada á devandita iniciativa a través do Plan de Acción en materia de Software Libre 2011 permitiu reforzar este impulso aproveitando o marco creado a través da Axenda Dixital 2014.gal e incidindo en aspectos como primar o software libre nas iniciativas de eAdministración, adquisición de competencias dixitais a través de ferramentas de fontes abertas, promoción do software libre no ámbito empresarial, etc.

Os resultados obtidos tanto en 2010 como en 2011 foron moi satisfactorios, reflectíndose os principais aspectos dos mesmos no Informe de Seguimento do plan de acción 2010 e no Informe de seguimento do plan de acción 2011.

No presente ano 2012, e pese á dificultade do actual contexto económico, a Xunta de Galicia segue a apostar decididamente polo fomento e promoción do Software Libre e dos estándares abertos, considerando tales tecnoloxías como ferramentas de gran valor para avanzar cara un modelo produtivo máis sostible, cara unha sociedade máis competente no ámbito tecnolóxico, e cara unha administración pública máis eficiente e próxima á cidadanía.

Sobre este plantexamento a AMTEGA promove o Plan de Acción Software Libre 2012 como motor para continuar o traballo a prol do software libre e de fontes abertas na nosa Comunidade. Neste Plan non só se materializa a continuidade coas accións iniciadas en 2010 e 2011, senón que tamén se articula un aproveitamento eficaz e eficiente das diversas ferramentas que se foron implementando nestes anos.

As accións do plan FLOSS nos tres eidos de actuación son as seguintes:

PROMOCIÓN DO FLOSS NO SECTOR EMPRESARIAL

• Centro demostrador TIC con solucións FLOSS para pemes
• Servizo Integral para a PEME
  • Actualización do directorio de empresas FLOSS de Galicia
  • Servizo de asesoramento ás empresas en materia de FLOSS
  • Servizo de asesoramento ás empresas do sector TIC en materia de liberación e publicación de FLOSS
  • Elaboración de estudos comparativos de Software Empresarial
• Achegar ás empresas galegas os beneficios dos procedementos de avaliación e informes de mellora FLOSS promovidos dende CENATIC
• Adaptación e promoción do Repositorio FLOSS de Galicia
• Medidas de apoio ao desenvolvemento de FLOSS nas convocatorias de Axudas

FOMENTO DO FLOSS NA ADMINISTRACIÓN PÚBLICA

• Definición do procedemento para licenciar como FLOSS o Software Propiedade da Xunta de Galicia
• Servizo de Certificación de Liberación do Software Desenvolvido
• Servizo de Asesoramento sobre Ferramentas FLOSS para as necesidades TIC da Xunta de Galicia
• Definición de políticas para o fomento da interoperabilidade e reutilización da información do sector público
• Impulso do FLOSS na Xunta de Galicia

FORMACIÓN E DIFUSIÓN FLOSS

• Difusión e potenciación dos servizos do portal Mancomún
• Difusión sobre FLOSS e a oferta de servizos da Oficina de Coordinación FLOSS no ámbito empresarial
• Publicación do Repositorio Documental sobre FLOSS
• Fomento da tradución de FLOSS ao Galego
• Formación ao persoal da administración pública dende a EGAP
• Formación ao persoal docente dende a Consellería de Educación
• Formación a Cidadanía a través da Rede CeMIT
• Formación a Cidadanía en colaboración coas Asociacións Galegas de Usuarios de Software Libre
• Formación e difusión no ámbito universitario
• Formación a traballadores e desempregados a través do Centro de Novas Tecnoloxías de Galicia
• Fomento da elaboración de Contidos Formativos e docentes libres, premiando os dirixidos ao profesorado

A colaboración cos axentes FLOSS galegos, Asociacións de Usuarios de Software Libre, a Asociación Galega de Empresas de Software Libre e as tres Universidades Galegas, xunto con CENATIC, permite xuntar esforzos e executar unha estratexia global e integradora.

Pode ver con maior detalle o documento completo Plan operativo en materia de FLOSS 2011 en formato pdf.

Documentación:

1. Actuacións asociadas ao Plan Operativo FLOSS (09-03-11)
   http://imit.xunta.es/descargas/20110309_PresentacionPlanOperativoFLOSS2011_v5.pdf
2. Plan de acción FLOSS 2011 (09/03/11)
   http://imit.xunta.es/descargas/20110309_PlanAccionFLOSS2011.pdf
3. Catálogo de produtos e servizos TIC baseados en software libre (09/03/11)
   http://imit.xunta.es/descargas/20110309_catalogo_produtos_servicios_software_libre.pdf
4. Modernización pon a disposición da cidadanía un Repositorio Documental sobre Software Libre (17/05/11)
   http://imit.xunta.es/portal/actualidade/novas/2011_05_17_repositorio_swl.html
5. Plan de acción FLOSS. Ano 2010 (21/04/10)
   http://imit.xunta.es/descargas/Lxneas_actuacixn.pdf
   http://imit.xunta.es/descargas/PresentacionResumidaPlanOperativoFLOSS.pdf
6. Oficina de Coordinación FLOSS: Funcións e catálogo de servizos (15-12-2010)
   http://imit.xunta.es/descargas/MapaServizosOCFLOSS.pdf
7. Comparativa de plataformas de comercio electrónico baseadas en software libre (07-03-11)
   http://imit.xunta.es/descargas/2011_03_06_ecommerce_final.pdf
8. Informe de seguimento do Plan de acción FLOSS. Ano 2010 (09/03/11)
   http://imit.xunta.es/descargas/20110309_informe_seguimento_plan_accion_floss_2010.pdf

Plan de acción FLOSS 2010

En 2010 a Xunta de Galicia puxo en marcha o Plan de Acción 2010 en materia de software libre e de fontes abertas, configurando a través do mesmo o inicio dun camiño ben definido dirixido a fomentar en Galicia a utilización de tecnoloxías baseadas en software libre e de fontes abertas (FLOSS, de Free/Libre/Open Source Software), así como dos estándares abertos.

A Secretaría Xeral de Modernización e Innovación Tecnolóxica desenvolveu este plan, dotado con 800.000 euros no 2010, tras constatar a necesitade de xuntar esforzos aproveitando mellor os fondos públicos destinados á promoción do software libre e de fontes abertas para acadar un maior uso destas aplicacións na Administración, na cidadanía e nas empresas galegas.

Resultados:

Coa dotación específica de 800.000 €, e cunha forte integración nas liñas de traballo definidas na Axenda Dixital de Galicia 2014.gal, o Plan de Acción 2010 gozou dun alto grao de execución e transversalidade, constituíndose nunha ferramenta de gran utilidade na unificación, racionalización e mellora das iniciativas TIC promovidas dende a Xunta de Galicia.

Piares da nosa Sociedade, como a Educación ou o tecido empresarial, foron e están a ser obxectivo de actuacións de enorme calado como o Proxecto Abalar ou o Centro Demostrador TIC, e en todas elas o Software Libre e de Fontes Abertas está a ter un papel protagonista.

A maiores da dotación específica de 800.000€, executada integramente durante a execución do Plan, engadíronse 825.000€ destinados á incorporación e mantemento de plataformas FLOSS encadradas no proxecto estratéxico de eAdministración da Xunta de Galicia, así como 6.250.000€ dedicados ao despregue de infraestrutura TIC baseada en FLOSS no ámbito das actuacións do Plan Abalar.

Pode coñecer con detalle os resultados pode consultar o documento titulado Informe de Seguimento do Plan de Acción FLOSS Ano 2010 en formato pdf.