Centro Demostrador TIC de Galicia

Avance

O Centro Demostrador das TIC, que foi inaugurado en xuño do 2010, está ubicado no Centro de Novas Tecnoloxías de Galicia en Santiago de Compostela e desenvolve distintos tipos de actividades que poden estar promovidas tanto pola Xunta de Galicia como por calquera entidade ou colectivo externo.

Actividades

As actividades poden ser de 3 tipos:

• Sesións Demostradoras, que teñen como obxectivo principal mostrar, de xeito práctico, produtos ou servizos TIC ás empresas asistentes.
• Encontros TIC, que teñen como obxectivo principal proporcionar un punto de encontro que dea lugar a foros, relatorios e debates en torno a un sector empresarial ou unha temática TIC concreta.
• Obradoiros/Seminarios de Formación, que teñen como obxectivo principal capacitar ás empresas asistentes.

Nos primeiros meses xa se desenvolveron as seguintes:

• Xornada de Portas Abertas
• Demostración de Almacenamento e Copias de Seguridade en Entornos Virtualizados
• Xestión Integral de Empresas con Software Libre
• Demostración de Pizarra Interactiva Sen Sombra

MapaTIC.gal

Así mesmo está en proceso de recompilación da información a elaboración do MapaTIC.gal, unha plataforma web que serva de punto de encontro virtual entre os diferentes actores que participan na Oferta-Demanda Tecnolóxica de Galicia, cara a identificar provedores e solucións tecnolóxicas de Galicia alén dos potenciais demandantes de tecnoloxía.

A posta en marcha do MapaTIC.gal estrutúrase entorno a un Plan de Acción dividido en diversas fases de execución. Actualmente atópase na fase 1, OFERTA TECNOLÓXICA, consistente no rexistro de empresas e autónomos TIC, produtos e servizos TIC galegos.

Neste senso, o primeiro traballo realizado e xa publicado é o Mapa de capacidades tecnolóxicas no ámbito socio-sanitario, que recolle os principais proxectos que neste campo están a desenvolver as empresas e grupos de investigación galegos.