EMPRESAS

As axudas de 2011 non son incompatibles nin están limitadas polas axudas recibidas en 2010.

Ante as numerosas consultas recibidas nesta Secretaría Xeral, aclárase que as convocatorias para investimentos de empresas no ano 2011 (PR519A, PR520A e PR522A) están baixo o réxime de minimis, e que non existe incompatibilidade coas axudas recibidas para investimentos de empresas no ano 2010 (PR519A e PR520A), xa que estas axudas iban baixo outro réxime de axudas, neste caso baixo o marco temporal comunitario contra a crise.

As axudas suxeitas ao Regulamento (CE) 1998/2006 relativo ás axudas de minimis (DOUE do 28 de decembro de 2006, L379) non poden acumular no beneficiario máis de 200.000 € nun periodo de 3 anos fiscais: o actual 2011, e os dous anteriores 2010 e 2009. A acumulación refirese á axuda total concedida en dito periodo baixo de minimis independientemente da forma da axuda (fondo perdido, crédito reembolsable, plurianualidad ou varios prazos, garantías, etc).

O marco temporal comunitario permitía no 2010 axudas de ata 500.000 €, pero a súa vez excluía da dita cantidade as que a empresa xa tivera baixo de minimis. Como exemplo: se a empresa tiña 150.000 € por de minimis só podía obter ata 350.000 € polo marco temporal.

Para saber máis. Enlaces á normativa comunitaria:

O esquema de axudas da SXMIT, ten algunhas novidades no ano 2011. Considera catro liñas básicas:

-    Empresa dixital: destinada á adopción de solucións tecnolóxicas asociadas á cadea de valor nos diferentes sectores empresariais, mediante a presentación de proxectos de cooperación entre empresas que teñen a necesidade da tecnoloxía e as empresas que achegan a tecnoloxía.
-    Sector TIC: destinada a que as empresas do sector das tecnoloxías da información e as comunicacións melloren as súas capacidades en certificación de calidade e formación e realicen novos desenvolvementos en áreas tecnolóxicas determinadas na convocatoria.
-    Contidos dixitais: destinada á produción e publicación de contidos educativos electrónicos.
-    Difusión: destinada a que as entidades sen ánimo de lucro realicen actuacións orientadas á cidadanía relacionadas co desenvolvemento da sociedade da información.
-    Internet para cidadáns: destinada á axuda para novas conexións a Internet de máis de 1 Mbps.

As solicitudes de axuda que se xeran a través da web incorporan, na primeira folla, un código de puntos (bidimensional, QR) e un código electrónico (alfanumérico) co que os interesados poden acceder á información do seu expediente.

Para máis información descargar o seguinte documento.

Estas ordes de axudas permiten na maioría dos casos identificar as escrituras como información accesible.

É altamente recomendable identificar como accesible toda a documentación posible, polo aforro de tempo e erros que se evitan ao solicitante, así como pola eficacia e eficiencia que pode acadarse na xestión administrativa. 

No caso dos datos de representación legal da empresa, pode declarar accesibles os datos segundo se detalla no seguinte documento.