Obxectivos estratéxicos

O reto da converxencia dixital e o respaldo en materia tecnolóxica dos eixos de actuación do Plan Estratéxico 2014 de Galicia,  materialízase nos cinco obxectivos estratéxicos da presente Axenda Dixital:

• A modernización da Administración para facela máis eficiente e para achegala á sociedade ofrecendo novos servizos e de maior valor engadido que melloren a calidade de vida dos cidadáns.
• A competencia dixital dos cidadáns como base esencial para un emprego de calidade, a cohesión social e a calidade de vida.
• O cambio profundo, coa palanca do uso intensivo das TIC, do modelo produtivo para conseguir unha economía sustentable e innovadora.
• A transformación e articulación dos axentes do hipersector TIC para convertelo en sector estratéxico de futuro e tractor do resto de sectores chave para Galicia.
• O despregamento de infraestruturas de telecomunicación para a vertebración territorial e como catalizador da innovación e a captación de investimento.

A folla de ruta que establece esta axenda determina uns obxectivos para a converxencia con Europa e o crecemento sostible. Tendo en conta estes obxectivos, algúns dos compromisos que pode adoptar a Xunta de Galicia son os seguintes:

• Crear emprego e riqueza

- Impulsarase a creación, só no sector da economía de coñecemento ou hipersector TIC, de máis de 12.000 empregos ata 2014, pasando do 1,6% ao 2,5% da poboación ocupada.

- Potenciarase a transformación do sector da economía do coñecemento para aumentar a súa actividade económica en 800 M€ máis para o 2014, pasando do 4,8% ao 6% do PIB, e iniciando así a senda de converxencia con España e con Europa no que representa este sector para a economía dun país.

• Construír unha administración máis eficiente e cercana

- A Xunta de Galicia reducirá nun 25% o gasto anual en TIC, aforrando así 30M€ cada ano a partir do 2014 e dedicando eses cartos a accións de investimento no marco que define esta Axenda Dixital. “Podemos conseguir unha administración que faga máis con menos”

- Así mesmo, reafírmase o compromiso de que no ano 2014 todos os expedientes administrativos poderán ser tramitados a través de Internet.

• Ter aos nosos cidadáns capacitados para o mercado global

- O 100% dos funcionarios públicos contarán con competencias dixitais para construír unha administración máis eficiente e orientada ao cidadán.

- Adoptaranse medidas para reducir drasticamente a fenda dixital, establecéndose un obxectivo irrenunciable de converxencia coa Unión Europea nos indicadores esencias de emprego das TIC en fogares, pemes e autónomos.

• Infraestruturas de telecomunicacións modernas e sostibles

- O 100% da poboación poderá contar con banda larga de a lo menos 2 Mbps e un millón de galegos terán aceso a redes de nova xeración con velocidades de 100 Mbps en 2013.