Mapa de servizos da Oficina Técnica de Banda Larga de Galicia 2010 - 2013

Os principais obxectivos da Oficina Técnica son coordinar e tutelar a execución do plan, así como, velar pola exitosa consecución de proxectos específicos liderados e executados por un grupo/área e por aqueles proxectos de alcance máis amplo, que sexan tractores e involucren a máis dunha área/grupo ou a outro tipo de axentes.

Deste xeito, a Oficina Técnica constitúe un punto único de referencia para todos os axentes involucrados no Plan de Banda Larga fomentando o avance homoxéneo das distintas actuacións do plan e incentivando a eficiencia e efectividade das mesmas.

A Oficina Técnica pon en marcha distintos servizos para apoiar o desenvolvemento das distintas actuacións do Plan de Banda Larga, axilizando así a consecución dos seus obxectivos. Ditos servizos agrúpanse segundo a súa índole en servizos de Xestión, Control e Seguimento das actuacións do plan, así como, en servizos orientados á atención do cidadán en todo o referente aos proxectos de despregamento de rede de banda larga derivados do Plan de Banda Larga.

Pódese contactar coa Oficina Técnica de Banda Larga en: oficina.bandalarga@xunta.es / oficina.bandaancha@xunta.es ou no teléfono : 981 95 78 68.