Axenda Dixital de Galicia 2014.gal. Balance 2011
Preto de dous anos despois do seu lanzamento xa foron executadas diversas iniciativas enmarcadas nesta folla de ruta que dan resposta a actuacións prioritarias para o noso Goberno como son intensificar os apoios aos sectores produtivos, impulsar o emprendemento e potenciar a internacionalización e a innovación, piares fundamentais para facer unha Galicia máis competitiva. |
Coa súa posta en marcha en xuño de 2010, Galicia iniciou o camiño do progreso tecnolóxico. Un camiño que permitirá a Galicia facer fronte aos retos da nova sociedade do coñecemento e integrarse definitivamente no novo contexto dixital europeo no horizonte de 2014.
Seguindo o compromiso de transparencia da Xunta de Galicia, a principios de ano é momento de facer balance do ano anterior e trasladar á sociedade galega os resultados das principais actividades levadas a cabo no marco desta estratexia e que poñen de manifesto que 2014.gal non é unha simple declaración de intencións senón que os seus obxectivos estratéxicos materialízanse a través de actuacións tanxibles que impactan significativamente no benestar social e no crecemento económico da nosa comunidade.
Así se recolle no Balance 2011 da Axenda Dixital elaborado pola Axencia para a Modernización Tecnolóxica de Galicia (Amtega), e que foi presentado o pasado 2 de maio de 2012 aos integrantes do pleno do Observatorio para a Sociedade da Información (Osimga) xunto co plan de traballo deste organismo, dependente da Amtega, para 2012.
Para máis información pode consultar o documento completo:
Volver
Síguenos en
Destacados
Axudas activas
iMit en palabras
Suxestións e queixas | Aviso Legal | Atendémolo/a
