Accesibilidade web

Presentación
O Decreto 201/2011, do 13 de outubro, polo que se regula a presenza da Administración xeral e do sector público autonómico de Galicia na internet sinala que as entidades incluídas no seu ámbito de aplicación deben garantir, na publicación dos seus contidos, o cumprimento dos criterios xeralmente admitidos en materia de accesibilidade, prestando especial atención ao acceso á información por parte dos colectivos con diversidade funcional.

Garantir a accesibilidade de todas as persoas, en igualdade de condicións, á información e aos servizos que a Administración galega pon a disposición de todos os seus cidadáns na rede. Desde o goberno, enténdese que a presenza da Administración pública en Internet debe articularse sobre o principio de accesibilidade. Para evitar que ningunha persoa quede excluída deste dereito leváronse e estanse a levar a cabo accións que contribúan á mellora deste acceso, en igualdade de condicións, por parte daqueles colectivos que presentan algún tipo de discapacidade, xa sexa física, sensorial ou cognitiva.