Servizos Públicos Dixitais

O desenvolvemento e a madurez dos servizos públicos dixitais permite mellorar a calidade de vida das persoas e favorece a xeración dunha cultura dixital dentro dos perceptores dos servizos. O uso da tecnoloxía para a prestación de servizos públicos foi frecuente, en especial, cos primeiros avances normativos que xa se empezaron a introducir na lexislación española coa aprobación de Lei 30/1992. Dende entón, momento no que só se poñían en marcha iniciativas illadas, ata o momento actual, produciuse unha evolución que obriga a:

• Buscar a eficiencia na xestión.
• Incrementar o impacto do servizo público, incorporando novos sistemas de atención.
• Crear novas canles de acceso para a prestación de servizos (internet, televisión, móbil)
• Fomentar a reutilización da información pública.
• Incrementar a proactividade da Administración.