Modernización da Administración

Portasinaturas

O Portasinaturas nace como unha aplicación que proporciona a funcionalidade necesaria para poder asinar masivamente lotes de documentos de xeito telemático e seguro. Esta solución, pensada para ser empregada por usuarios e outras aplicacións, permite solicitar a sinatura de documentos de forma electrónica e automática, no caso das aplicacións, tanto a un como a varios asinantes ó mesmo tempo.

Portasinaturas posibilita o control do fluxo da sinatura de documentos dun xeito centralizado, eficiente, seguro e confidencial, minimizando o tempo de espera do solicitante, eliminando o risco de extravío de solicitudes e anulando o uso de papel.Algunhas das vantaxes funcionais que introduce o Portasinaturas son:

• Acceso directo ás tarefas prioritarias nun so clic dende a xanela de benvida.
• Envío a múltiples asinantes establecendo orden de sinatura.
• Solicitar, consultar, asinar e rexeitar sinaturas de xeito rápido e doado.
• Busca asistida que permite atopar sinxelamente as tramitacións.
• Vista do estado de cada sinatura, que permite coñecer en tempo real a etapa na que se atopa.
• Posibilidade de xestión por bloques, realizando varias tramitacións nun so proceso.

O ciclo seguido pola documentación enviada en Portasinaturas é o seguinte:

Exemplos de documentos que poden asinarse con portasinaturas son: informes ad hoc que elabore cada unidade administrativa, lotes de comunicación ao administrado, requerimentos de subsanación, resolucións, comunicacións específicas, pregos de cláusulas técnicas e administrativas ou informes de valoración.