Modernización da Administración

Acreditación Dixital do Empregado Público
Dotar a un empregado público de identidade dixital para o desempeño das súas funcións implica dispoñer da infraestrutura tecnolóxica e humana adecuada para a dotación inicial, e ofrecer os servizos e procedementos de mantemento de cara ó futuro.

A Xunta asinou coa FNMT-CRM un contrato para a obtención de certificados dixitais que permiten aos organismos e entidades públicas firmar os documentos que forman parte dos procedementos que se tramitan de xeito telemática e identificarse ante os cidadáns nas relacións por canles telemáticas. Entre todos os certificados e servizos asociados que este contrato atópase o Certificado de Empregado Público.

Deste xeito:

• O certificado de empregado público ou certificado de persoal ao servizo da Administración Pública emitido pola FNMT, permite identificar de forma conxunta o titular do posto de traballo ou cargo e a Administración ou órgano na que presta servizos.
• O certificado de empregado público é propiedade da Administración, é esta que decide si entrega un certificado ou o revoga. Como titular do certificado figurará o órgano, organismo ou entidade da A.P.
• O persoal ao servizo das AAPP e sen embargo o asinante e custodio das chaves do certificado entregado
• Os certificados electrónicos facilitados especificamente aos empregados pola Administración só poderán ser utilizados no desempeño das funcións propias do posto que ocupen ou para relacionarse coas AA.PP. cando estas admitan.

Tarxeta de identificación
A tarxeta intelixente será o medio físico co que se materializará a identidade dixital do empregado público, e que permitirá a súa identificación tanto física como electrónica para o desempeño do seu traballo.

Exteriormente o deseño da tarxeta de empregado público segue as directrices definidas no Manual de Identidade Corporativa da Xunta de Galicia, e estará personalizada coa identificación básica dos individuos, como son unha fotografía recente, nome, apelidos e documento nacional de identidade, distribuídos dun xeito harmónico no frontal da mesma. Na parte traseira levará unha notificación acerca do titular da mesma e do procedemento a seguir en caso de perdida ou extravío.

Deseño da tarxeta corporativa (modelo "Xunta")

Internamente e a nivel tecnolóxico disporá das seguintes capacidades:

• Chip criptográfico que permitirá o almacenamento de varios certificados dixitais (entre eles, como se comentou, o certificado para persoal aos servizo das AAPP e o certificado de persoa física).
• Identificación por radiofrecuencia (chip RFID de proximidade) que permitirá o control de acceso a lugares de acceso restrinxido e a instalacións con acceso controlado mediante elementos de impedimento de paso
• Banda magnética como contedor de datos do profesional para a súa utilización en sistemas de información que requiran destes datos

Unha vez o empregado público dispoña desta tarxeta poderá facer uso dela para as súas necesidades cotiás, entre outras:

• Identificación Física
• Control Horario do persoal
• Control de Acceso a áreas de acceso restrinxido (parking, CPD, salas de custodia de documentación,…)
• Identificación Dixital. A través do uso dos certificados dixitais e as claves privadas asociadas, almacenadas no chip criptográfico, poderase utilizar a tarxeta para a identificación dixital do empregado público.

Esta identificación dixital permitirá el control de acceso a distintos servizos, como poden ser:

• Acceso ao posto de traballo
• Acceso aos sistemas de información que requiran autenticación con certificado dixital.
• Sinatura de documentos, necesaria en distintos procedementos administrativos.