Modernización da Administración

Obxectivos

O obxectivo final do Plan de Modernización é mellorar e potenciar a accesibilidade e a transparencia, principios fundamentais da Lei 11/2007 de acceso electrónico dos cidadáns aos servizos públicos, poñendo á disposición dos actores sociais os medios que lles permitan interactuar de xeito electrónico coa Xunta de Galicia. O desenvolvemento da canle electrónica, é unha prioridade na estratexia da Xunta de Galicia diferenciando e especificando os servizos en función do receptor destes.

Os principais beneficios derivados do desenvolvemento destes programas e proxectos son:

• Tramitación electrónica e integral dos procedementos.
• Constitución da sede electrónica da Xunta de Galicia como canle dos servizos da administración pública.
• Mellorar a atención a cidadanía constituíndo un sistema único de información o cidadán.
• Creación dun sistema integrado de recursos humanos, e posta en marcha dos servizos dixitais para o empregado público.
• Revisión dos procedementos administrativos de cara á súa simplificación e claridade.
• Consolidación da información administrativa, evitando solapamentos e duplicidades.
• Eliminación de petición de información/documentación en poder da Administración.
• Dixitalización dos documentos formais da eAdministración.
• Acceso por medios electrónicos á información en tempo real aos procedementos administrativos, mediante a creación da carpeta do cidadán e empresa.
• Elección de canle que desexe con garantías de seguridade e legalidade.
• Mellora das relacións coas empresas nos seus dous perfís: Prestador de servizos e Consumidor dos servizos.
• Dixitalización do rexistro presencial e posta en marcha do rexistro electrónico. Integración dos rexistros e mellora dos tempos de recepción da documentación.
• Posta en marcha do arquivo documental dixital.
• Creación dun Sistema de Información analítica para a avaliación da xestión pública.

Destacar que o desenvolvemento da Administración Electrónica é unha actuación “transversal”, é dicir, afecta a todos os departamentos e niveis da Administración Pública. Igual de importante é o feito de que as actuacións deste Plan de Modernización están relacionadas con outras políticas como as de desenvolvemento das infraestruturas de telecomunicación ou as de desenvolvemento da sociedade da información.