Colaboración entre AAPP: Servizo de certificación e firma dixital

Como obter os certificados

Aqueles solicitantes que queiran obter algún dos certificados ou servizos que forman parte do contrato, terán que seguir o procedemento xeral, que se basea nas seguintes premisas:

• As entidades locais que desexen obter os beneficios do contrato deberán estar adheridos ao ‘Convenio de colaboración entre a Xunta de Galicia e a FEGAMP para o desenvolvemento da Administración Electrónica nas entidades locais da Comunidade Autónoma de Galicia’

• Os trámites esixidos pola FNMT para a obtención dos certificados serán realizados directamente pola entidade peticionaria coa autoridade certificadora.

• Os certificados e servizos que no contrato teñen número limitado (ver Resumo dos Servizos de Certificación), deberán contar coa autorización da Xunta de Galicia, que se obterá previamente mediante solicitude e será axuntada á documentación esixida pola FNMT.

A finalidade da autorización é permitir a inclusión das peticións dentro do contrato da Xunta e que polo tanto non supoñan custo para a entidade peticionaria.

A emisión dunha autorización implica a suposición por parte da Xunta de Galicia que o certificado será concedido pola FNMT. En caso contrario deberá comunicarse á Xunta de Galicia a denegación do certificado ou servizo para que non sexa contabilizado.

• Para tramitar coa FNMT certificados de empregado público, de sede electrónica ou de selo electrónico, será necesario implantar previamente unha oficina de rexistro para a xestión de certificados AP na entidade solicitante, onde se realizarán os trámites necesarios coa FNMT para a obtención do certificado solicitado.

As oficinas de rexistro para certificados AP permiten a obtención de certificados para os empregados públicos asignados á entidade local na que se implanta e a obtención de certificados de sede e selo electrónico de uso pola entidade.

O esquema xeral de tramitación para a obtención dos certificados con limitación de número (selo e sede electrónica, servidor e firma de código) será o seguinte: